Aji dekhiye na, ee humra supreme leader ka itna bada photo kaahe laga hai har jagah par? Abhi toh election ka date bhi nahi aaya hai aur lagta hai ki resultwo announce ho gaya.
Aree pagli, ee koi normal photo nahi hai. It is called a selfie point - a point where the self dissolves into Him.
Gita mein likha hai na, shareer nashwar hota hai lekin aatma amar.
Haan wo toh theek hai, lekin Gita ka ee sab se kya lena dena?
Lena dena hai. Iska matlab hai chitra mein bandh kar khud bhi vichitra ho jana.
Phir Gita mein toh ye bhi likha hai ki insaan na kuch lekar aata hai na lekar jaata hai. Lekin Saheb toh hamesha jhola jhola bolte rehte hain. Kahte hain, jhola uthayenge aur furr ho jayenge. Kabhi socha hain aapne ki kiska jhola lekar wo chal denge aur usmein konchi konchi rakha hoga?
Soche toh nahi hain lekin ho sakta hai usmein ek digital camera ho, wahi wala jo Saheb digital camera ke utpatti ke pehle se use kar rahe the. After all, vision doesn't require technology alone. It also requires imagination.
It also requires publicity, right?
Dhurr. Batwa mein phasa deti ho tum. Jhola toh tum khud uthayi hui ho aur Saheb ka naam laga rahi ho. Kaahe nahi jaakar ego selfiya le leti ho. You can share that photo as your good morning message in the WhatsApp groups.
Nahi ji, humse nahi hoga elfie selfie. Hum pout kar diye aur Saheb gussa gaye toh? Dekhe hain insta influencer sab ko, kitna badhiya selfie lete waqt sab pout karta hai.
Waise, Saheb ko ek naya programme chalana chahiye: Selfie Punyarthi India. Jiska jitna badhiya selfie hoga utna usko mandir visit par discount milega.
Waise, hum toh ye bhi sune hain ki Saheb ke photo mein Saheb se zyada achcha dikhne ka permission kisi ko nahi hai. Hona bhi nahi chahiye. Paap hoga na ki bagal mein khada hokar selfie le liye. Khade to unke peeche hona chahiya, spine ko jhuka kar. You know, the camera captures the reality but every picture has its own story.
Ssshhh, aise nahi bolte. Abhi ek official ka jisne public information diya hai ki kitna paisa laga hai ek selfie point banane mein, uska transfer kar diya gaya hai. Sunne mein aaya hai ki shayad lakhon rupya laga hai. But some things are priceless, you know. Lekin log nadaan hain jo paison se takht-e-faqiri samajhte hain.
They don't know that,
Money can buy happiness.
Jumlas can buy votes. And,
Selfies can steal souls.
Aisa hai kya jee? Tab toh hum bhi jaroor selfie lenge. Lekin yahan nahi, Taj Mahal par. Saheb ji ka photo aur Mumtaj ji ke maqabra ke beech mein jo fuwwara hai na, bus wahin par selfie lenge. Kya pata, fuwwara mein se shivling bhi nikal aaye. Aur agar future mein Taj Mahal Tejo Mahalya ban gaya toh I will be the first one to capture the imagined golden past and the promising doomed future in one frame.
Comments